देश

पञ्चनगर पनि खुल्ला दिशा मुक्त क्षेत्र

विद्रोही गिरी ,कावासोती १५ असार

खुल्ला दिशा मुक्त क्षेत्र घोषणाको अभियान अन्तरगत आज पञ्चनगर गाबिस पनि खुल्ला दिशा मुक्त क्षेत्र घोषण गरिएको छ । नवलपरासीमा खुल्ला दिशा मुक्त घोषणा हुने गाबिस पञ्चनगर नौ स्थानमा रहेको छ ।

प्रमुख जिल्ला अधिकारी वीरबहादुर राईको प्रमुख आतिथ्यतामा भएको कार्यक्रममा यो गाबिसलाई खुल्ला दिशा मुक्त क्षेत्र घोषणा भएको हो । जिल्लामा क्रियाशिल राजनैतिक दलको सहभागीता रहेको सो कार्यक्रममा सरसफाईलाई दलहरुले पनि मुख्य एजेण्डाको रुपमा कार्यकर्ता माझ लैजानुपर्ने बताइएको थियो ।

एक हजार नौ सय ७३ घर मध्ये चर्पी नभएका आठ सय पाँच घरमा चर्पी निर्माण गरेपछि खुल्ला दिशा मुक्त क्षेत्र घोषणा गरिएको खानेपानी तथा सरसफाई डिभिजन कार्यालय नवलपरासीका प्रमुख रामचन्द्र काफ्लले जानकारी दिनु भयो । खुल्ला दिशा मुक्त क्षेत्र घोषणा कार्यक्रममा पञ्चनगर खानेपानी तथा सरसफाई उपभोक्ता संस्थाका अध्यक्ष शंभुलाल श्रेष्ठले गाबिस भित्रका सबै घरमा चर्पी बनेकाले अब प्रयोग चरणमा रहेको बताउनु भयो ।

चर्पी बनेको छ त्यसको प्रयोग हेर्न बाँकी भएको उहाँले बताउनु भयो । घोषणा कार्यक्रममा स्थानीय बिकास अधिकारी रामुराज कडरिया, खानेपानी तथा तथा सरसफाई डिभिजन कार्यालयका प्रमुख रामचन्द्र काफ्ले, काँग्रेसका जिल्ला सभापति देबेन्द्रराज कण्डेल, एमालेका जिल्ल्ला अध्यक्ष तिलक महत, लगाएतका दलका नेताहरुले सो अबसरमा बोल्नु भएको भयो ।

नवलपरासीको दाउन्ने पश्चिमका तराई–मधेश गाबिस मध्ये पहिलो चरणमा पञ्चनगर खुल्ला दिशा मुक्त गाबिस घोषण भएको हो ।