मनोरञ्जन

शाहरुख र चोपडाबीच खटपट

कालिका असार ९
बलिउड अभिनेता शाहरुख खान र अभिनेत्री पि्रयंका चोपडाबीचको लसपसको खबरले बेलाबेलामा बलिउड बजार तात्ने गर्छ । चोपडासित नजिकिएपछि किंग खानकी पत्नी गौरी रिसले चूर भएको र सोही कारण शाहरुखको घरबार समेत खल्बलिने खतरा रहेको सम्मका खबर आउने गरेका छन् ।

तथापि पछिल्लो समय शाहरुख र चोपडाबीच दूरी बढेको भन्ने समाचार समेत आएका छन् । खास कुरोको चुरो थाहा नभएपनि यी दुइबीच खटपट आएको कुरा चोपडाको पछिल्लो भनाइले प्रष्ट पारेको छ ।एक मिडियासँगको अन्तरवार्तामा चोपडाले आफुले शाहरुखका बारेमा कुरै नगर्ने बताइन् ।

आफुले शाहरुखलाई सधै सम्मान गर्ने र ठूलो मान्छे मान्ने गरेको भएपनि अहिले उनको बारेमा केहीपनि टिप्पणी गर्न नचाहने उनको भनाइ थियो । उनले शाहरुखको बारेमा बोल्न आफुलाई हिच्किचाहट हुने कुरा पनि बताइन् ।शाहरुखसँगको सम्बन्ध बिगि्रएको विषयमा सोधिएको प्रश्नमा भने उनले बँच्ने प्रयास गरिन् ।

उनले शाहरुख पहिलेजस्तै मायालु व्यक्ति रहेको र पछिल्लोपटक पनि आफ्नो एक कार्यक्रममा आएको बताइन् ।शाहरुखकी पत्नीले शाहरुखलाई चोपडासँग फिल्म नखेल्न भनेको भनी आएको समाचारप्रति इंगित गर्दै उनले आफुलाई त्यसले कुनै फरक नपार्ने र आफु सक्षम रहेको दाबी गरिन् ।

कोही हिरोले आफुसँग खेल्न इच्छा नगरेमा आफुलाई कुनै असर नपर्ने भन्दै उनले शाहरुखका फिल्ममा नखेलाएपनि आफुले बलिउडमा काम पाइरहने जिकिर गरिन् ।