अन्तर्राष्ट्रिय

मनसुनी वर्षासँगै बङ्गलादेशमा बाढी पहिरो, पचासको मृत्यु

चितागोङ (बङ्गलादेश), १३ असार । बङ्गलादेशमा मनसुनी वर्षासँगै बाढी पनि सुरु भएको छ । सो बाढीका कारण आएको पहिरोमा परी कम्तीमा पनि ५० जना व्यक्तिको ज्यान गएको समाचारमा जनाइएको छ ।मनसुनी वर्षासँगै सुरु भएको भारी वर्षा गत तीन दिनदेखि जारी नै रहेकोले सो बाढीमा परी बुधबार बिहानसम्ममा ५० जना भन्दा बढी व्यक्तिको ज्यान गएको समाचार त्यहाँका सुरक्षा अधिकारीहरुले दिएका छन् ।सो बाढीका कारण बङ्गलादेशका विभिन्न क्षेत्रको यातायता सेवाका साथै अन्य आवश्यक भौतिक संरचनामा पनि क्षति पु¥याएको बताइएको छ । यसले कतिपय स्थानमा सरकारी कार्यालयहरु सञ्चालनमा पनि बाधा उत्पन्न भएको बताइएको छ ।

बङ्गलादेशको दक्षिण पश्चिमी क्षेत्र चितापोङ् र यसका अरु केही छिमेकी गाउँहरुमा सो बाढीको प्रकोप देखिएको हो । सो क्षेत्रका विभिन्न स्थानमा पहिरो भिषण पहिरो गएको र त्यसमा परी कयौं नागरिक हराइरहेका छन् । उनीहरुका बारेमा थप जानकारी प्राप्त हुन सकिरहेको छैन ।

सरकारले सो बाढी र पहिरोमा परेकाहरुको उद्वारका लागि सेना र प्रहरी खटाएको छ । उनीहरुले आफ्नो कामलाई निरन्तरता दिएको भए पनि भारी वर्षा र बाढीका कारण उद्वारको कार्य प्रभावकारी हुन सकिरहेको छैन ।चितापोङ क्षेत्रमा प्रमुख प्रशासक सिराजुल हक खानका अनुसार सो चितोपोङ् जिल्लाको कोक्स बजारमा गएको पहिरोमा परी मृत्यु भएका २६ जनाको शव प्राप्त भएको छ । सो क्षेत्रमा अरुपनि कयौं नागरिक हराइरहेकोले खोजी कार्य जारी नै रहेको छ ।

त्यसैगरी चितोपोलको छिमेकी जिल्ला बन्दरबनमा पनि ठूलो मात्रामा बाढी र पहिरोको प्रकोप देखापरिरहेको छ । सो क्षेत्रमा गएका विभिन्न स्थानका पहिरोहरुमा परेका २५ जनाको शव पनि उद्वारकर्मीहरुले प्राप्त गरेका बताइएको छ ।एकजना उद्वारकर्मी अहमदले दिएको जानकारीअनुसार भारी वर्षाका कारण आएको बाढीका कारण उद्वारको कार्य प्रभावकारी हुननसक्दा एक परिवारले आफ्ना कम्तीमा पनि १२ जना सदस्य गुमाउनुपरेको छ ।चितागोङ्को बन्दरगाहमा पानीको मात्रा व्यापक मात्रामा बढेको समाचारमा जनाइएको छ । सो बन्दरगाहमा हिजो १२ घन्टासम्मको निरन्तरको वर्षाका कारण कम्तीमा पनि १६ इन्च पानीको मात्रा बढेको बताइएको छ ।

चितागोङ्मा रहेको साह अमानत अन्तर्राष्ट्रिय विमानस्थलमाबाट हुने उड्डयनहरु पनि प्रभावित भएका छन् । हिजो अपरान्हदेखि नै सो विमानस्थलबाट हुने राष्ट्रिय र अन्तर्राष्ट्रिय उड्डयनहरु स्थगित भएका छन् ।

सो क्षेत्रको बङ्गलादेशसँगको सवारी सम्बन्ध हिजो देखि नै टुटेको बताइएको छ । सो क्षेत्रमा रहेको रेलमार्गको एउटा पुल भत्किएकाले यातायात सेवा नै अवरुद्ध भएको बताइएको छ ।

करिब पचास लाख जनसङ्ख्याको बसाइ रहेको सो चितापोङ क्षेत्रमा मनसुनी वर्षातका कारण ठूलो क्षति हुने गरेको पाइन्छ । विगतका वर्षहरुमा पनि यसै मनसुनी वर्षामा सयौंको ज्यान गएको थियो ।गत वर्षको वर्षातका समयमा भएको पूर्वाधारको क्षतिका कारण पनि हजाराँैं नागरिक विस्थापित हुनुका साथै विकासका संरचानमा पनि क्षति पु¥याएको थियो ।

सो क्षेत्रका नागरिकले विकासका संरचना निर्माण गरी बाढी पहिरोबाट बचाउने उपायको खोजीका लागि बर्सेनि सरकारसँग आग्रह गर्ने गरेको भए पनि सरकारले बेवास्ता गरेको आरोप उनीहरुले लगाउने गरेका छन् । रासस÷एएफपी