खेलकुद

१९ बर्ष मुनिको एशिया कप क्रिकेट उपाधी भारत र पाकिस्तानले बाँडे ।।

१७ असार,किन्नरा(राजु सापकोटा)–

मलेसियामा जारी १९ बर्ष मुनिको एशिया कप क्रिकेटको उपाधी भिडन्त बराबरी भएको छ । पाकिस्तानले जोडेको २ सय ८२ रन अन्तिम बलमा भारतले भेट्टाएपछि खेल बराबरी भएको हो । भारतले पनि २ सय ८२ रन नै जोडेपछि उपाधी दुबै टिमले बाडेका छन् ।

उपाधी सँगसँगै म्यान अफ दि म्याच पनि बाँडीएको छ । भारतका उन्मुक्त चन्द र पाकिस्तानका सामि अस्लम संयूक्त रुपमा प्लेयर अफ दि म्याच भए । प्लेयर अफ दि सिरीज र ब्याट्स म्यान अफ दि सिरीज भनेँ पाकिस्तानका सामी अस्लम भए ।

टस हारेर किन्रारा एकेडेमिको ओभल खेल मैदानमा व्याटिङ्गमा उत्रिएको पाकिस्तानले निर्धारीत ५० ओबरमा ९ विकेट गुमाउँदै २ सय ८२ रन जोडेको थियो । उसका लागी सामि अस्लमले सर्बाधीक १ सय ३४ रनको योगदान गरे भनेँ उमर वाहीदले ४८ रनको योगदान गरे ।

त्यस्तै लक्ष्य पच्छ्याएको भारतका लागी उन्मुक्त चन्दले १ सय २१ रनको योगदान गरे भनेँ बाबा अपराजितले ९० रनको योगदान गरे । अब १९ बर्ष मुनकिो बिश्वकप आगामी अगस्टमा हुनेछ ।