खेलकुद

तालिमको अभाव : नेपाली फुटबलको प्रमुख समस्या

(फणीन्द्र फुयाँल)

काठमाडौँ, १३ असार । नेपाली राष्ट्रिय फुटबल खेलाडीले अन्तर्राष्ट्रिय फुटबल प्रतियोगितामा गोलको खडेरी बेहोरिरहेको अवस्थामा नेपालले एएफसी यु–२२ एसिया कप छनोट फुटबल प्रतियोगितामा भने छ गोल ग¥यो ।

नेपाली राष्ट्रिय फुटबल टिमका प्रमुख प्रशिक्षक कृष्ण थापा भन्नुहुन्छ– ‘दशरथ रङ्गशालामा यही असार २ देखि १० गतेसम्म सम्पन्न एएफसी यु–२२ एसिया कप छनोटमा नेपालले जित हात पार्न त सकेन तर गोलको खडेरी परेको अहिलेको अवस्थामा नेपालले छ गोल भने गर्न सक्यो ।’ प्रतियोगितामा नेपालले बङ्गलादेशलाई ४–१ गोल अन्तरले पराजित गरेको थियो भने अर्को खेलमा नेपालले उज्वेकिस्तानविरुद्ध ४–२ गोल अन्तरले हार बेहो¥यो । यी दुई खेलमा नेपालले जम्मा ६ गोल ग¥यो भने पाँच गोल खाएको थियो ।

प्रतियोगितामा धेरै गोल गर्न नसक्नाको प्रमुख कारणमा नेपाली खेलाडीले एक दिन बिराएर खेल खेल्दा थकाइ लाग्नु हो– फुटबलका मुख्य प्रशिक्षक थापा बताउनुहुन्छ । नेपाली खेलाडीभन्दा अन्य देशका खेलाडी फिफा बरियतामा ८०–८५ तह माथि रहेकाले पनि नेपाली खेलाडीमा मानसिक असर परेको र धेरै गोल गर्न नसकेको थापा बताउनुहुन्छ । प्रतियोगितामा नेपालसहित बङ्गलादेश, उज्वेकिस्तान, जोर्डन र यमनको सहभागिता थियो । खेलमा बङ्गलादेशले दुई गोल मात्र गर्दा अङ्कतालिकामा शून्य अङ्क रह्यो । प्रतियोगितामा पाँचवटै देशले समान चार–चार खेल खेलेका थिए । चारवटै खेलमा जित हात पारेर जम्मा १३ गोल गरेको जोर्डन अङ्क तालिकामा १२ अङ्क बनाउँदै एसिया कप छनोट प्रतियोगिताको समूह बिजेता बन्यो । यस्तै अङ्क तालिकामा सात अङ्क बनाएको उज्वेकिस्तान आठ गोल गर्र्दै समूहको उपविजेता बन्यो ।

अङ्क तालिकामा सात अङ्क बनाएको यमन भने गोल सङ्ख्या सात बनाउँदै समूह चरणबाट बाहिरियो । यसका साथै नेपाल र बङ्गलादेश पनि छनोट चरणबाट बाहिरिए । जोर्डनका राष्ट्रिय टिम प्रशिक्षक डाइयन सालेह नेपाली फुटबल खेलाडी सुरुदेखि अन्त्यसम्म एकै किसिमको तीव्रता नभएका कारण फुटबलमा पछि परेको बताउनुहुन्छ । प्रशिक्षक सालेह भन्नुहुन्छ– हाम्रा खेलाडीको सुरुदेखि अन्त्यसम्म एकै अनुपातको कुदाइ हुन्छ भने नेपाली खेलाडी मैदानमा प्रवेश गर्दा धेरै कुद्ने र पछि थाक्दै गएपछि थोरै गतिमा कुद्ने गर्छन् ।

नेपाली यु–२२ राष्ट्रिय फुटबल टिमका राष्ट्रिय कप्तान भरत खवास नेपाली खेलाडीलाई उचित मात्रामा तालिमको अभाव भएकाले खेल आफ्नो पक्षमा पार्न नसकिएको बताउनुहुन्छ । खवास भन्नुहुन्छ– ‘विदेशी खेलाडीको तुलनामा हामीलाई तालिमको निकै खाँचो परेको छ ।’ विदेशी खेलाडीलाई वर्षैभरि उचित तालिम प्रदान गरिन्छ भने नेपाली खेलाडीले प्रतियोगिता सुरु हुने केही दिन पहिलेदेखि मात्र तालिमको अवसर पाउने गरेका छन् । रासस