राजविराज, १५ असार । पाँच दिनदेखि आफन्तले नबुझेको एक शवको व्यवस्थापनमा राजविराज नगरपालिका, अस्पताल र स्थानीय प्रशासनले चासो नदेखाए्पछि अस्पतालमा दुर्गन्ध फैलिएको छ । राजविराजस्थित सगरमाथा अञ्चल अस्पतालमा उपचारका क्रममा गत सोमबार मृत्यु भएका ५० वर्षीय श्याम मगरको शव कुहेर दुर्गन्ध फैलिँदा अस्पतालका कर्मचारी, बिरामी र बिरामीका कुरुवा निकै प्रभावित बनेका छन् ।खोकीबाट पीडित मगर बिरामी परेपछि गत असार ६ गते राजविराज–४ निवासी प्रदीप श्रेष्ठले उनलाई अस्पताल भर्ना गराएका थिए । शव व्यवस्थापनबारे स्थानीय प्रशासन र अस्पतालले नगरपालिकालाई आग्रह गरे पनि त्यसप्रति नगरपालिकाले चासो देखाएको छैन ।नगरपालिका रोडमा रहेको दुईतीनवटा होटलको जुठो भाँडा माझेर जीवन निर्वाह गर्दै आएका मगरले नगरपालिकाका कर्मचारीले खाएको जुठो भाँडा धेरै पटक माझेका छन् । तर आज उनको शव उठाउन नगरपालिकाले आनाकानी गरिरहेको छ ।ठेगाना थाहा नभएका कुप्रो परेर हिँडने लठेब्रो मगर ३० वर्षदेखि राजविराजका होटलको भाँडा माझेर एक्लो जीवन निर्वाह गर्दै आएका थिए । शवका कारण अस्पतालआसपास दुर्गन्ध फैलिएपछि नाक थुनेर काम गर्न बाध्य चिकित्सक र सफाइ कर्मचारी शव नउठेसम्म मुर्दाघरमा गई पोस्टमार्टम नगर्ने अडानमा छन् । रासस