देश

पेट्रोलियम पदार्थको मूल्यवृद्धि फिर्ता लिन माग

बुटवल, ५ असार । नेपाल आयल निगमले डिजेल र मट्टितेलमा गरेको मूल्यवृद्धिप्रति पश्चिम नेपाल बस व्यवसायी सङ्घ बुटवलले विरोध जनाएको छ । सङ्घले आज एक विज्ञप्ति जारी गरी इन्डियन आयल कर्पोरेसनले पठाउने नयाँ मूल्यमा निगम नाफा घाटा बराबरको स्थितिमा आउने अवस्था रहेकै बेला मूल्यवृद्धि गर्नु जनताको ढाड सेक्ने काम भएको भन्दै तत्काल मूल्यवृद्धि फिर्ता गर्न माग गरेको छ । सङ्घका अध्यक्ष कलाधर न्यौपाने र महासचिव गणेश भट्टराईद्वारा जारी विज्ञप्तिमा पटकपटकको मूल्यवृद्धिको मार यातायात व्यवसायीले समेत खेप्नुपरेको उल्लेख गर्दै मूल्यवृद्धि फिर्ता नगरिए सवारी साधनको वृद्धि गर्ने बाध्यात्मक अवस्था आउने चेतावनी दिइएको छ ।

निगमले आज मट्टितेल र डिजेलमा प्रतिलिटर रु चार मूल्यवृद्धि गरेको छ । बढेको मूल्य अनुसार डिजेल र मट्टितेल प्रतिलिटर उपभोक्ता मूल्य रु ९३ पुगेको छ ।