घटना दुर्घटना

तनहुँको याम्पामा बस र मोटरसाईकल ठक्कर खाँदा एकजनाको मृत्यु,बसचालक घाईते

पवन पौडेल, तनहुँ असार १८ ।

तनहुँको बन्दिपुर ८ याम्पास्थित पृथ्वीराजमार्गमा आज दिउँसो बस र मोटरसाईकल एकआपसमा ठक्कर खाँदा मोटरसाईकलमा सवार एकजनाको मृत्यु भएको छ । दमौलीबाट अाँबुखैरेनीतर्फ गैरहेको ग १ ख २१६१ नम्बरको यात्रुबाहक बस र विपरित दिशाबाट आईरहेको बा ३४ प ५१७७ नम्बरको मोटरसाईकल दिउँसो एकआपसमा ठक्कर खाँदा मोटरसाईकलमा सवार गोर्खा पालुङटार निवासी ५१ बर्षका कमल ढकालको डुम्रेस्थित लक्ष्मी अस्पतालमा उपचारका क्रममा मृत्यु भएको जिल्ला प्रहरी कार्यालय तनहुँले जनाएको छ ।

र्दुघटनामा परी घाईते उनलाई उपचारका लागि लक्ष्मी अस्पतालमा लगिएकामा केही बेरमा नै उनको मृत्यु भएको प्रहरीको भनाई छ । र्दुघटनामा परी बस चालक गोर्खा गाईखुर निवासी २९ बर्षको नरजङ ठकुरी घाईते भएका छन् ।उनलाई थप उपचारका लागि काठमाडौं पठाइएको छ ।

तीव्र गतिमा आईरहेको मोटरसाईकल अनियन्त्रित भै बसको मुनि परेको स्थानिय प्रत्यक्षदर्शिले बताएका छन् ।