घटना दुर्घटना

रुखको हाँगाले किचेर मृत्यु

दमक, ५ असार । रुखको हाँगाले किचेर आज दिउँसो झापाको दमकमा एक जनाको मृत्यु भएको छ । मृत्यु हुनेमा विराटनगर–५ का १८ वर्षीय सागर ऋषिदेव रहेका छन् । त्यस्तै अन्य तीनजना घाइते भएका छन् । ऋषिदेवको उपचारको क्रममा न्यूरो अस्पताल विराटनगरमा मृत्यु भएको इलाका ट्राफिक प्रहरी कार्यालय दमकले जानकारी दिएको छ । मोरङको विराटनगरबाट पूर्वतर्फ आउदै गरेको लु १ च २४८० पिकअप भेनलाई अचानक भाँचिएको रुखको हाँगाले किच्दा सवार सबै जना घाइते भएका हुन् । घाइतेहरूमा भेन चालक सोही ठाउका रक्सु महतो, सञ्जय ऋषिदेव र अनिल ऋषिदेव रहेका छन् । घाइतेहरूको न्यूरो अस्पतालमा उपचार भइरहेको प्रहरीले जनाएको छ ।