इलाम -मङ्गलवारे), १६ जेठ ।अन्तरराष्ट्रिय  बजारमा नेपाली आर्गनिक  चियाको बजार खोजीका लागि प्रयास सुरु भएको छ । अमेरिकासम्म आर्गनिक  चिया पुर्‍याएर प्रचारप्रसार गर्न अमेरिकी चिया खरिदकर्तासहित नेपाली चिया टोली अमेरिकातर्फलागेको छ । अमेरिकामा जेठ १९ देखि २१ गतेसम्म आयोजना हुन लागेको वर्ल्ड टि एक्सपोमा भाग लिन चिया विज्ञ र व्यवसायीसहितको टोली चियाको नमुना लिएर त्यसतर्फलागेको छ । टोलीमा इलामको साङ्ग्रिला टि प्रोड्यर्ुस प्रालिका कमल मैनाली, धनकुटाका सुशील रिजाल र चिया विज्ञ चन्द्रभुषण सुब्बा सहभागी हुनुहुन्छ । एकसाता अघि मात्र अमेरिकाबाट आएका अमेरिका चिया सङ्घका उपाध्यक्ष पिटर गार्जीसहितको टोलीले इलाम, धनकुटालगायतका आर्गनिक  चिया कारखानाको अनुगमन गरेको थियो । सो क्रममा गार्जीले एक्सपोमा चियाको स्टल राख्ने हो भने नेपाली अर्ग्यानिक चियाले अमेरिकामा राम्रो भाउ पाउने बताउनुभएको थियो । अमेरिकाका गएको नेपाली चिया व्यवसायी र विज्ञको टोलीले अर्ग्यानिक चियाको पर््रदशन गर्ने सुब्बाले जानकारी दिनुभयो । विगत दर्ुइ वर्षेखि निरन्तर इलामको फिक्कलस्थित गोर्खा टि स्टेट प्रालिको चिया जर्मन निर्यात हुँदै आएको थियो । अमेरिकामा नेपाली आर्गनिक  चियाको बजार विस्तार गर्न विदेशी चिया खरिदकर्ताहरू सहमत भएका छन् । गार्जीले पर्ूर्वी इलामको फिक्कल-३ स्थित गोर्खा टि स्टेट र पशुपतिनगर-८ स्थित नेपाल ग्रीन एण्ड स्पेसियलिस्ट चिया प्रालिमा उत्पादित चिया परीक्षण गरेको थियो साथै सोही टोलीले इलाम चिया कारखाना, साँखेजुङस्थित साङ्ग्रिला टि प्रोड्यर्ुर्सस प्रालि, धनकुटाका पनि आर्गनिक चिया कारखानाको निरीक्षण गरेको थियो । 

चिया परीक्षणपछि गार्जीले गोर्खा टि स्टेटको चियाको बजार अमेरिका हुनसक्ने बताउँदै व्यापारीहरूलाई चिया खरिदका लागि अनुरोध गरेको समेत इलाम भ्रमणका समयमा सञ्चारकर्मीहरूलाई बताउनुभएको थियो । गार्जीले भ्रमणका क्रममा नेपाली चिया कारखानाको चिया कसरी उत्पादन हुँदो रहेछ, विषादी युक्त छ कि छैन् भन्ने कुराको बोध गराउन खरिदकर्ता सहितको टोली आएको बताउनुभएको थियो ।गोर्खा टि स्टेटका अध्यक्ष उदय चापागाईले आर्गनिक  चिया अमेरिकामा पछिल्लो समयमा माग आएको र पर््रदशनीपछि व्यापार विस्तार हुने संभावना रहेको बताउनुभयो । सहज रूपमा आर्गनिक  चिया विदेश निर्यात हुन थालेपछि किसानले समेत चियाको उच्च मूल्य पाउने अपेक्षा गरेका छन् । र् जर्मनमा अहिले इलामको चिया करिब सात सय डलरको हाराहारीमा विक्री भइरहेको चापागाईले बताउनु भयो ।