मध्य नेपाल

चितवनका २१ भातृ संगठन नवगठित माओवादीमा रहेको दावी

नारायण ढुंगाना ,चितवन १४ असार ।

एकीकृत नेकपा माओवादी चितवनका २१ भातृ संगठनका अध्यक्ष तथा प्रतिनिधिहरुले आफुहरु नव गठीत नेकपा माओवादीमा रहेको घोषणा गरेका छन् ।

आज चितवनको कृष्णपुर स्थीत दुवै पक्षको दावी चल्दै आएको पार्टी कार्यालयमा पत्रकार सम्मेलन गरी उनीहरुले यस्तो घोषणा गरेका हुन् ।

एकीकृत नेकपा माओवादीके चितवनमा जनवर्गीय संगठन २६ वटा रहेकोमा अधिकाँश आफ्हरुकै रहेको मजदुर नेता सुर्य बरालले जानकारी दिनुभयो । कार्यक्रममा वोल्दै ति जनवर्गीय संगठनका जिल्ला नेताहरुले प्रचण्ड र वावुरामको नेतृत्वमा क्रान्ती संभव नभएकाले जनताको चाहनालाई पुरा गर्न आफ्हरुले नव गठीत माओवादीलाई समर्थन गरेको जनाएका छन् ।

केही दिनअघि केन्द्रीय स्तरमा भने जनवर्गीय संगठनहरु एकिकृत माओवादीको पक्षमा रहेको सार्वजनीक भएको थियो ।