मध्य नेपाल

च्याउ खाएका तीन जिल्लाका १३ बिरामीको उपचार

नारायण ढुंगाना चितवन १३ असार ।

चितवन ,नवलपरासी र मकवानपुर तीन जिल्लाका च्याउ खाएर विरामी परेका १३ जनाको अहिले भरतपपुर अस्पतालमा उपचार भैरहेको छ । विरामी भएकामा चितवनका ६ मकवानपुरका पाँच र नवलपरासीका दुई जना छन् ।

उनीहरुको स्वास्थ्य अवस्था सुधारात्मक संकेत देखिएको भरतपुर अस्पतालले जनाएको छ । गत आईतवार विरामी परेका चितवन र मवानपुरका ११ जना विरामीमा हिजो साँझ नवलपरासीका दुई जना थपिएपछि १३ च्याउ खाएका विरामी अस्पतालमा छन् ।

नवलपरासी मैनाघाटकी नरिम सारु र ज्योती सारुको पनि अहिले भरतपुर अस्पतालमा उपचार भैरहेको छ ।

यसअघि आईतवार पुर्वी चितवनको विरेन्द्रनगरमा एक तामाङ परिवारले विषालु च्याउ खाँदा ६ जना विरामी परेका थिए । सोही दिन मकवानपुरका पाँच जना विषालु च्याउका कारण विरामी परेका थिए ।