मध्य नेपाल

विद्युत चोरी गर्ने ३२ जना चितवनका विभिन्न स्थानबाट पक्राउ

५ असार,चितवन(राजु सापकोटा)–

विद्युत चोरी गर्ने ३२ जना चितवनका विभिन्न स्थानबाट आज बिहानै पक्राउ परेका छन् । विद्युत चुहावट नियन्त्रण अभियान अन्र्तगत खटीएको टोलीले आज बिहान साढे तिन बजे गुञ्जजगरबाट १५,शारदानगरबाट ९, मंगलपुरबाट ७ र भरतपुर नगरपालिका वाड नम्बर ५ बाट १ जना गरी ३२ जनालाई नियन्त्रणमा लिएको विद्युत प्राधिकरण भरतपुर वितरण केन्द्रका प्रवक्ता सुरेस पण्डीतले कालीका एफ एमलाई जानकारी दिनुभयो ।

नियन्त्रणमा लिईका मध्ये २३ जना पुरुष र ९ जना महिला छन् । उनिहरुसँगै एउटा पानी तान्ने मोटर पनि बरामद गरीएको छ । उनिहरु नियमानुसार तोकिएको जरिवाना तिरेपछि छुट्ने पण्डितले बताउनुभयो । प्राधिकरणका १७ जना कर्मचारी, शसस्त्रका १५ र जनपथका ९ जना प्रहरि सहित ४१ जनाको टोली विद्युत चोरी नियन्त्रण अभियानका लागी खटिदै आएको छ ।

प्राधिकरणले विद्युत चोरी बढ्दै गएपछि नियन्त्रण अभियान तिव्र पारेको छ । यसैबीच समयमै बिद्युत महशुल नतिर्ने उपभोक्ताहरुको लाईन काट्नेँ अभियान पनि तिब्र पारीएको प्राधिकरणले जनाएको छ ।