राजनीति

कोइराला र महतो भेट

असार १५,काठमाण्डौ–

नेपाली कांग्रेसका सभापति सुशील कोइरालाले आज संयूक्त लोकतान्त्रिक मधेषी मोर्चाका एक घटक सद्भावना पार्टीका अध्यक्ष तथा स्वास्थ्य मन्त्री राजेन्द्र महतोसँछ छलफल गर्नुभएको छ । भेटमा सभापति कोइरालाले बृहत्त राजनीतिक सहमतिका आधारमा अगाडी बढ्नका लागि आफुले पहल गरिरहेको बताउदै त्यसमा सहयोग गर्न आग्रह गर्नुभएको छ । उहाँले संबिधानसभा नरहको अबस्थामा सहमतिबाटै निकास खोज्नुको बिकल्प नरहेकाले आफ्नो पार्टीले सहमतिको प्रक्रिया अगाडी बढाएको पनि बताउनुभयो ।

भेटमा सदभावनापार्टीका अध्यक्ष महतोले आफुहरु पनि सहमतिको बिपक्षमा नरहेको बताउनुभएको छ । उहाँले कामचलाउ सरकारको राजीनामा माग्नु भन्दा पनि नयाँ सहमति गर्न तर्फ अग्रसरता लिन सभापति कोइरालालाई आग्रह गर्नुभयो ।

जवाफमा सभापति कोइरालाले बिगतका सहमतिको कार्यान्वयन गर्नका लागि र नयाँ सहमतिका लागि बिश्वासको बाताबरण निर्माण गर्नका लागि प्रधानमन्त्रीको राजीनामा आबश्यक भएको बताउनु भएको थियो । कांग्रेस सभापति कोइरालाले लगातार बिभिन्न पार्टीका नेताहरुसंग भेट गर्दै आउनुभएको छ ।